मेसीको ३९९ गोल

 

काठमाडौं २४ पुस । स्पेनिस ला लिगा फुटबलको सोमबार बिहान खेलिएको खेलमा ‘लिग लिडर’ बार्सिलोनाले जित हात पारेको छ भने चिरप्रतिद्वन्द्वी रियल म्याड्रिडले घरेलु मैदानमा नमीठो पराजय भोगेको छ । बार्सिलोनाले गेटाफेलाई उसैको मैदानमा २—१ गोलले हरायो भने जारी सिजनको घरेलु लिगमा गतिलो प्रदर्शन गर्न नसकिरहेको रियल घरेलु मैदानमै रियल सोसिएडाडसँग २—० गोलले स्तब्ध बन्यो ।

बार्सिलोनाको जितमा अर्जेन्टिनी स्टार लियोनल मेसी र उरुग्वेका प्रभावशाली खेलाडी लुइस स्वारेजले एक÷एक गोलको योगदान गरे । खेल सुरु भएको २०औं मिनेटमा मेसीले टोलीका लागि पहिलो गोल गरे । ला लिगामा मेसीले गरेको यो तीन सय ९९औं गोल हो । ३९औं मिनेटमा स्वारेजले टोलीको अग्रतालाई दोब्बर बनाएका थिए । पहिलो हाफको खेल सकिनुभन्दा दुई मिनेटअघि जाइम माटाले गेटाफेका लागि एक गोल फर्काएका थिए ।

ला लिगाको रेलिगेसन क्षेत्रमा रहेको एथलेटिक बिल्बाओ र सेल्टा भिगोबाहेक सबै टोलीले १८÷१८ खेल खेलिसकेका छन् । ४० अंकसहित बार्सिलोना तालिकाको पहिलो स्थानमा छ । बार्सिलोनासँग पाँच अंकले पछाडि परेको एट्लेटिको म्याड्रिडको ३५ अंक छ । ३३ अंकसहित सेभिल तेस्रो, ३१ अंकसहित आल्भेस चौथो र ३० अंकसहित रियल म्याड्रिड पाँचौं स्थानमा छन् ।

रियल म्याड्रिडविरुद्घको खेलमा रियल सोसिएडाडका लागि विलियन होजेले तेस्रो मिनेटमै पेनाल्टीमार्फत पहिलो गोल गरे । निर्धारित समयको खेल सकिनुभन्दा सात मिनेटअघि रुबेन पार्डोले टोलीको अग्रता दोब्बर बनाएका थिए । त्यसअघि ६१औं मिनेटमा रियल म्याड्रिडका लुकास भासक्वेज दोहोरो पहेँलो कार्ड पाउँदै मैदानबाट बाहिरिएका थिए । कलात्मक खेलभन्दा पनि शारीरिक घम्साघम्सीमा बढी ओर्लिएको रियल म्याड्रिडको खेलाडीका लागि रेफ्रीले ६ वटा पहेँलो कार्ड खर्चिएका थिए ।

प्रतिकृया दिनुहोस

उपाधि जित्न नेपाललाई १२२ रनको लक्ष्य

काठमाडाँै, ५ माघ थाइल्याण्डमा जारी टी–२० स्म्यास क्रिकेटको उपाधि जित्न घरेलु टोली थाइल्याण्डले नेपालसामु १२२ रनको लक्ष्य प्रस्तुत गरेको छ । टस

रामपुरमा अन्तर्राष्ट्रियस्तरको भलिबल प्रतियोगिता शुरु हुँदै

बेझाड, २ माघ पाल्पाको रामपुरमा पहिलो पटक अन्तर्राष्ट्रियस्तरको खुला पुरुष भलिबल प्रतियोगिता आजबाट हुने भएको छ । नेपाल र भारतको सम्बन्धलाई प्रगाढ

समूह विजेता बन्दै नेपाल सेमिफाइनलमा

काठमाडौँ, २ माघ  थाइल्याण्डमा जारी महिला टी–२० स्म्यास महिला क्रिकेट प्रतियोगितामा नेपाल लगातार चार खेल जितेर समूह विजेता बन्दै सेमिफाइनल